Transcription
1
Monsieur, j’ay faict achapter de Pierre Lartessut de ceste ville cinquante
2
charges de bled annonne, et trente saulmées d’avoyne pour la provision de
3
ma mayson. Et par ce que lesdits greins sont en Daulfiné et creuz en son terroir
4
de Monjay en Ganpensoys, d’où il me les peult faire sortir et faire conduyre icy
5
sans votre expresse permission, je vous prieray bien affectionneement
6
de luy permectre la sourtye d’iceulx greins, luy donnant ample passeport
7
à ce qu’en chemin il ne puysse estre inquieté pour ce regard ny ceulx
8
qui seront avec luy, mais quil leur soit donné toute commodité de chevaulx,
9
charrettes, batteaulx et aultres choses dont ilz auront besoing pour
10
cest effect, en poyant de gré à gré ; et ce sera augmenter de tant plus
11
mon obligation à m’employer pour vous quant le moyen s’en presentera à celluy
12
qui, se recommandant bien affectionneement à votre bonne grace, prye Dieu
13
de vous donner
14
Monsieur, heureuse et longue vye, en parfaicte santé, d’Avignon le
15
premier jour d’octobre 1572
16
Votre plus Affectioné à vous honorer et
17
servir comme frère G. Card. Darmaignac
18
[Autre main] Permission demandée à Mr de Gordes par le cardinal d’Armaignac de laisser sortir du Dauphiné des charges
19
de bled et d’avoine achetées par le cardinal pour la provision
20
de sa maison.
21
Lettre datée d’Avignon le 1er octore 1572.